Xisbiga WADDANI - xisbigawaddani.com

Wararka

TACSI Musharrax Cabdiraxmaan Cirro ayaa tacsi tiiraanyo leh u diray qoyska, ehelada iyo asxaabta uu ka baxay Alle ha u naxariistee Marxuum Mustafe Ibraahin Aadan Cismaan oo caawa rasaas boolisku riday ugu geeriyooday magaalada Hargeysa.

TACSI Musharraxa Madaxweynaha Xisbiga WADDANI Mudane Cabdiraxmaan Maxamed Cabdillaahi (Cirro) isaga oo ku hadlaya magaciisa, ka hoggaanka, fulinta, garabbada dhallinyarada iyo haweenka ee Xisbiga WADDANI waxa uu tacsi tiiraanyo leh u dirayaa qoyska, ehelada iyo asxaabta uu ka baxay Alle ha u naxariistee…

Xoghayaha dhallinyarada iyo ciyaaraha xisbiga WADDANI Yuusuf Nuux Yuusuf Tadhase, Guddoomiye kuxigeenka Garabka dhallinyarada gobolka Maroodijeex Taqayadiin Maxamed Jaamac iyo Guddoomiyaha xisbiga ee degmada Gacan Libaax Mudane Sharmaake Garaad ayaad Xarunta Dhexe ee xisbiga ku qaabilay qaybo ka mid ah dhallinyarada caasimadda oo diyaar u ah la shaqaynta xisbiga.

Kulanka oo ay masuuliyiinta degmada Gacan Libaax soo qaban qaabiyeen waxaa ka soo qayb galay afar kooxood oo ka mid ah kooxaha kubadda cagta iyo koox hiddaha iyo dhaqanka ah. Masuuliyiinta xisbiga ayaa dhallinyarada ku boorriyay in ay barbar istaagaan isbedelka hoggaamineed ee dalku u baahan yahay ee…

TACSI Musharraxa madaxweyne Cabdiraxmaan Cirro iyo guddoomiye Xirsi Cali X Xasan ayaa tacsi tiiraanyo leh u wada diray qoyska, ehelada, waayeelka iyo guud ahaan bulshada SL ee uu ka baxay Alle ha u naxariistee Marxuum Maxamed Faarax Qabile oo Burco ku geeriyooday maanta.

.

Xisbiga WADDANI oo walwal iyo walaac ka muujiyey 380 Billion Somaliland Shilling oo in la daabaco xukuumaddu qorshaynayso. Xoghaya Warfaafinta Maxamuud Aadan Jaamac "Galaal" ayaa qorshahaa 'sharci darro' ku tilmaamay. Xoghayuhu wuxuu ka digay in sicir bararka iyo sarif bararku ka sii darayaan haddii lacag cusub oo la soo daabacay xukuumaddu suuqa geliso. Sidoo kale waxa uu Madaxweynaha iyo xukuumaddiisa ugu baaqay in ay ka noqdaan daabacaadda lacagtaas.

.

TACSI Musharraxa madaxweyne Cabdiraxmaan Maxamed Cabdillaahi (Cirro) ayaa tacsi tiiraanyo leh u diray qoyska, ehelada iyo asxaabta uu ka baxay Alle ha u naxariistee Marxuum Yaasiin Sheekh Dalmar oo ku geeriyooday magaalada Hargeysa.

.

Garabka Haweenka Xisbiga WADDANI ayaa Xarunta Dhexe ee xisbiga kulan kula qaatay qaybo ka mid ah haween weynaha Xisbiga.

Shirka oo ay hoggaaminaysay guddoomiye kuxigeenka Garabka Haweenka ee heer qaran Marwo Safiya Cumar Faarax kana qayb galeen Xoghayaha Xuquuqal Iisaanka Marwo Maryan Maxamuud Dirir, guddoomiye kuxigeenka gobolka Maroodijeex Marwo Sahra Cabdi Xasan iyo guddoomiyaha garabka haweenka gobolka maroodi-jeex…

Kusimaha guddoomiyaha, ahna guddoomiye ku xigeenka Xisbiga WADDANI Mudane Saleebaan Ducaale X Jaamac ayaa magacaabay xoghayaha xisbiga ee gobolka Saaxil.

.

Kusimaha guddoomiyaha, ahna guddoomiye ku xigeenka Xisbiga WADDANI Mudane Saleebaan Ducaale X Jaamac ayaa magacaabay guddoomiyaha xisbiga ee degmada Khaatumo.

.

Musharraxa madaxweynaha Xisbiga WADDANI Cabdiraxmaan Cirro ayaa hoygiisa ku qaabilay Maxamed Haldoor oo ah wiil dhallinyaro ah oo maanta ka qalin jebiyay heerka 1-aad ee jaamacadda. Musharraxa ayaa Maxamed ku bogaadiyay dadaalka uu muujiyey ee uu aqoontiisa kor ugu qaaday.

Maxamed Haldoor ayaa dhankiisa waxa uu shaahado sharaf mahadnaq ah guddoonsiiyay Musharrax Madaxweyne Cabdiraxmaan Cirro. Maxamed ayaa musharraxa u sheegay in uu kaalin weyn ka qaatay waxbarashadiisa gaadhi uu musharraxu hore u guddoonsiiyay, islamarkaana uu mahadcelin iyo abaal weyn uga hayo.

Shirka Guddida Fulinta iyo Xoghayeyaasha Xisbiga WADDANI ayaa maanta ka qabsoomay Xarunta Dhexe ee Xisbiga. Shirka oo uu guddoomiyanayay kusimaha guddoomiyaha ahna guddoomiye ku xigeenka xisbiga mudane Saleebaan Ducaale Xaaji Jaamac waxaa lagu lafo guray xaaladda guud ee Somaliland.

Musharraxa madaxweynaha Xisbiga mudane Cabdiraxmaan Maxamed Cabdillaahi Cirro ayaa xubnaha Guddida Fulinta, xoghayeyaasha, Xildhibaannada iyo masuuliyiinta shirka ka qayb galay warbixin waafi ah ka siiyay xaaladda guud ee dalka ee dhinacyada siyaasadda, ammaanka, wadajirka bulshada iyo doorashooyinka,…

Saraakiil ka tirsan xisbiga WADDANI oo hogaaminayo Murashaxa Madaxweyne Cabdiraxman Maxamed Cabdillahi "Cirro" ayaa maanta kulan la qaatay wafti sare oo ka socday Qaramada Midoobay iyo Boqortooyada Ingiriiska oo ay hoggaaminayeen Ergayga Gaarka ah ee Xoghayaha Qaramada Midoobay Catriona Laing iyo Safiirka Boqortooyada Ingiriiska Danjire Michael Nithavrianakis.

Waftida ka socday Qaramada Midoobay iyo Safaaradda Ingiriiska waxa aan ka wada hadalnay xaaladda guud ee Jamhuuriyadda Somaliland, arrimaha nabadgelyada ee Gobolka Sool, hannaanka doorashooyinka isku sidkan iyo dimuqraadiyadda, iyo ugu dambeyn arrimaha horumarinta Somaliland. Xoghayaha Warfaafinta xisbiga…

Siyaasiyiinta iyo Haldoorka Caasimadda Hargeysa ayaa xalay casho sharaf ku maamuusay hotel-ka Maansoor Murashaxa Madaxweynaha ee Xisbiga WADDANI Dr Cabdiraxmaan Maxamed Cabdillaahi Cirro.

Murashaxa ayaa waxaa casho sharafta ku wehelinayey mas'uuliyiinta sarsare ee Xisbiga WADDANI. Murashaxa ayaa dhawaan uun ku soo noqday Gobolka Togdheer halkaas oo uu muddo bil ku dhow u fadhiyey howlaha nabadda iyo xoojinta amniga guud ee Jamhuuriyadda Somaliland

Musharraxa Madaxweynaha Xisbiga WADDANI mudane Cabdiraxmaan Maxamed Cabdillaahi Cirro ayaa magaalada Burco kaga qayb galay qalin jebinta jaamacadda Alpha

.

TACSI Musharraxa Cabdiraxmaan Cirro oo tacsi tiiraanyo leh u diray qoyska, ehelada, iyo asxaabta, ay ka baxday Alle ha u naxariistee Marxuummad Weris Cabdi Sugulle oo maanta magaalada Burco ku geeriyootay.

.

Anniga oo tixgelinaya in Hoggaanka Xisbiga WADDANI ergada siiyey kalsooni buuxda oo aan wax shuruudi ku xidhnayn, anniga oo ku hadlaya magacayga iyo magaca Xisbiga WADDANI dhammaantii, waxa aan halkan ka caddeynayaa in aan aqbalnay go'aannadii ay xalay soo saareen ergadii dhexdhexaadinta wadday ee Beelweynta Habar Jeclo.

.

Kusimaha guddoomiyaha Xisbiga WADDANI ahna guddoomiye ku-xigeenka Xisbiga Mudane Saleebaan Ducaale X Jaamac ayaa magacaabay maamulka xisbiga ee gobolka Saraar

.

Murashaxa Madaxweyne ee xisbiga WADDANI Cabriraxman Maxamed Cabdillahi (Cirro) ayaa hoygiisa magaalada Hargaysa hadhimo sharafeed ugu sameeyey Suldaan Cabdallah bin Cabdiraxman Al Isxaaqi.

Waxa munaasibaddaas ka soo qaybgalay masuuliyiin xisbiga ka tirsan, madax dhaqameed iyo marti sharaf kale. Maxamuud Aadan Jaamac "Galaal" Xoghayaha Warfaafinta xisbiga WADDANI

Murrashaxa madaxweynaha xisbiga mucaaridka ee WADDANI Cabdiraxmaan Maxamed Cabdillaahi Cirro ayaa gurigiisa magaalada Hargeysa ku booqday siyaasiga weyn ee Jamaal Cali Xuseen.

murrasha iyo siyaasi Jamaal kulanka dhexmaray oo qaatay laba saacadood waxay ka wada hadleen xaaladda Somaliland ku sugantay gaar ahaanna siyaasadda iyo arrimaha ammaanka. Labada oday ayaa arrimaha ay lafa gureen ka gaadhay is afgarad iyo horusocod.

Xisbiga WADDANI waxa uu ka xun yahay Xukunaka halka sano ah ee saaka Maxkamadda gobolka Maroodijeex ku riday wariye Bushaaro Cali Baanday oo ka mid ah suxufiyiinta madaxa banaan ee Somaliland.

Wariye Bushaaro Baanday waxa xuquuqdeeda iyo xorriyaddeeda looga qaaday si sharci darro ah, iyada oo aan sifo sharci ah loo marin xadhiggeeda, islamarkaana ay muddo Saddex bilood ah xukun la'aan ku xidhnayd Xukunkeedu waa mid ka hor imanaya xorriyatul qawlka iyo shuruucda dalka oo Dastuurku ugu…

Murashaxa Madaxweyne ee Xisbiga WADDANI Cabdiraxmaan Maxamed Cabdillahi "Cirro" iyo xubno ka tirsan hogaanka xisbiga ayaa saaka kulan la yeeshay Safiirka Midowga Yurub (EU) Ambassador Tiina Intelmann.

Hoggaanka Xisbiga iyo Safiirku waxay ka wada hadleen arrimaha doorashooyinka cakiran ee Somaliland, xaaladaha amniga iyo nabadgelyo darro, xuqquda insaanka, xorriyad qorlka iyo xaaladda ka jirta Laasacaanood iyo gobolka Sool. Xoghayaha Warfaafinta xisbiga WADDANI Mahmoud Adam Jama "Galaal"

Xubinnimada Xisbiga WADDANI

Sida uu dhigayo Qoddobka 5.aad ee Xeerka Xisbiga WADDANI

Waxa Xisbiga xubin ka noqon kara muwaadin kasta oo u dhashay Somaliland oo qaangaadh ah, xiskiisuna u dhan yahay.
Xubinnimada Xisbigu waa shakhsi umana gudbi karto cid kale lamana kala dhaxli karo.
Waxa xubin noqon kara xubnaha Hoggaanka xisbigu u arkaan I nay Xisbiga u leeyihiin waxtar wax ku ool ah kuwaas oo la siinayo kaadhka xubin sharafeedka.

Qoddobka 6.aad ee Shuruudaha xubinnimada:

Waxaa ka mid noqon kara Xisbiga WADDANI qof kasta oo Somalilander ah oo aaminsan mabaadii'ida Xisbiga kuna dhaqma xeerkiisa, buuxiyeyna shuruudaha hoos ku qoran:

In uu yahay muwaadin u dhashay Somaliland.
In aanay da'diisu ka yaraan 15 sano.
In uu caqli ahaan fayow yahay.
In uu codsi qoraal ah oo xubin-ka-noqosho ah soo gaadhsiiyo xafiiska Xisbiga WADDANI degmada, gobalka uu degen yahay ama laanta ugu dhow ee dibedda.
In uu yahay qof ku sifoobay akhlaaq iyo dhaqan wanaag.
Inaanu xubin ama taageere u ahayn Xisbi kale
In uu bil kasta bixiyo lacagta xubinimada Xisbiga.