Xisbiga WADDANI waxa uu ka xun yahay Xukunaka halka sano ah ee saaka Maxkamadda gobolka Maroodijeex ku riday wariye Bushaaro Cali Baanday oo ka mid ah suxufiyiinta madaxa banaan ee Somaliland.

Tuesday August 15, 2023 - 11:14:54
0 Comments
229
Xisbiga WADDANI
Wariye Bushaaro Baanday waxa xuquuqdeeda iyo xorriyaddeeda looga qaaday si sharci darro ah, iyada oo aan sifo sharci ah loo marin xadhiggeeda, islamarkaana ay muddo Saddex bilood ah xukun la'aan ku xidhnayd Xukunkeedu waa mid ka hor imanaya xorriyatul qawlka iyo shuruucda dalka oo Dastuurku ugu sareeyo kaas oo saxaafadda iyo muwaadiniinta u damaanad qaaday in uu ra'yigiisa u cabiri karo si xor ah, islamarkaana shuruucda Somaliland si weyn u dhawreen xorriyadda suxufiyiinta iyo xorriyatul qawlka. Sidaas awgeed waxaanu u aragnaa in xukunka Bushaaro Baanday yahay mid culays saaraya xorriyadda saxaafadda iyo xaqa rayi dhiibashada ee muwaadiniinta. Waxaanu xukumadda ugu baaqayna in ay joojiso cabudhinta iyo ku tumashada shuruucda dammaanad qaaday xarroyatul qawlka, islamarkaana ixtiraamto mabaadiida dawladnimada ee hannaanka dimuqradiyadda Somaliland ku dhisan tahay. Xoghayaha Caddaaladda Xisbiga WADDANI Mudane Yoonis Axmed Yoonis May be an image of 1 person, headscarf and scarf

Leave a comment