Xisbiga WADDANI - xisbigawaddani.com

Golaha Dhexe

Golaha Dhexe ee Xisbigu waxa uu ka kooban yahay saddex boqol iyo kow iyo todobaatan xubnood (371) waana hay’adda ugu saraysa Xisbiga inta u dhaxaysa labada shirweyne.

Guddida Golaha Dhexe ee Xisbiga WADDANI:

Cismaan Ibraahim Nuur [Afgaab] - Guddoomiyaha Golaha Dhexe.

Xildhibaan Baar Siciid Faarax - Guddoomiye Kuxigeenka Golaha Dhexe.

Mubaarik Cabdi Xasan Buuni - Xoghayaha Golaha Dhexe.

Xubinnimada Xisbiga WADDANI

Sida uu dhigayo Qoddobka 5.aad ee Xeerka Xisbiga WADDANI

Waxa Xisbiga xubin ka noqon kara muwaadin kasta oo u dhashay Somaliland oo qaangaadh ah, xiskiisuna u dhan yahay.
Xubinnimada Xisbigu waa shakhsi umana gudbi karto cid kale lamana kala dhaxli karo.
Waxa xubin noqon kara xubnaha Hoggaanka xisbigu u arkaan I nay Xisbiga u leeyihiin waxtar wax ku ool ah kuwaas oo la siinayo kaadhka xubin sharafeedka.

Qoddobka 6.aad ee Shuruudaha xubinnimada:

Waxaa ka mid noqon kara Xisbiga WADDANI qof kasta oo Somalilander ah oo aaminsan mabaadii'ida Xisbiga kuna dhaqma xeerkiisa, buuxiyeyna shuruudaha hoos ku qoran:

In uu yahay muwaadin u dhashay Somaliland.
In aanay da'diisu ka yaraan 15 sano.
In uu caqli ahaan fayow yahay.
In uu codsi qoraal ah oo xubin-ka-noqosho ah soo gaadhsiiyo xafiiska Xisbiga WADDANI degmada, gobalka uu degen yahay ama laanta ugu dhow ee dibedda.
In uu yahay qof ku sifoobay akhlaaq iyo dhaqan wanaag.
Inaanu xubin ama taageere u ahayn Xisbi kale
In uu bil kasta bixiyo lacagta xubinimada Xisbiga.

Golaha Dhexe

Xisbiga

Warbaahinta

Xarunta Xisbiga