TACSI GUDDOOMIYE

Guddoomiyaha xisbiga WADDANI Mudane Cabdiraxmaan Maxamed Cabdillaahi (Cirro) isaga oo ku hadlaya magaciisa, ka hoggaanka, fulinta, garabbada dhallinyarada iyo haweenka ee Xisbiga WADDANI waxa uu tacsi tiiraanyo leh u dirayaa qoyska, ehelka,asxaabta iyo waayeelka uu ka baxay Alle ha u naxariistee Marxuum Xaaji Cawil Ismaaciil Qaasaali oo ku geeriyooday dalka Ingiriiska.

Guddoomiyuhu waxa uu Marxuumka ku sifeeyay shakhsi weyn oo dad jacayl iyo ururinta bulshada ku suntana, dadkuna si weyn u xurmayn jireen, islamarkaana ka mid ahaa odayaasha mudakarka ah ee magaalada Sheffield iyo guud ahaan UK.

Guddoomiyuhu waxa uu Marxuumka Illaahay uga baryaya in uu su'aasha u fududeeyo, una dambi dhaafo, Jannatul Firdowsana ka waraabiyo, qoyska, ehelka, qaraabada iyo asxaabta uu ka baxayna samir iyo iimaan saadiq ah ka siiyo.

إِنَّا لِلّهِ وَإِنَّا إِلَيْهِ رَاجِعون

Af-hayeenka Xisbiga WADDANI

    Barkhad Jaamac Batuun