Guddoomiyaha KMG ee Xisbiga WADDANI Mudane Cabdiqaadir Xaaji Ismaaciil Jirde oo ay weheliyaan Xoghayaha Guud Mudane Khadar Xuseen Cabdi, Mudane Ismaaciil Aadan Cismaan (Ismaaciil Yare) iyo Mudane Cismaan Afgaab guddoomiyaha Golaha Dhexe ayaa shalay kulan is xog-waraysi iyo qado ah degmada Qoolcaday kula qaatay Musharraxiinta Xisbiga ee Degmada Sallaxley iyo Balligubadle.
Masuuliyiinta Xisbiga ayaa musharraxiinta Goleyaasha Deegaanka Balligubadle iyo Sallaxlay ka dhegaystay warbixino ku aaddan tabaabushaha doorashada wakhtiga yar ka hadhsan yahay, sidoo kalena xog warran iyo dardaaran ku saabsan u diyaar-garowga doorashada la wadaagay.
Masuuliyiinta ayaa Musharraxiinta ku boorriyay in ay isku duubnaadaan kuna dadaalan sidii xisbigu guul uga soo hoyn lahaa doorashada soo socota.
