Taageerayaasha Xisbiga Waddani oo Dhoolatus balaadhan ku soo bandhigay magaalada Lowyacado

lowyacado (Xisbiga Waddani) kumanaan ka tirsan taageerayaasha Xisbiga Rejada Shacabka ee waddani, ayaa maanta isugu soo baxay Fagaare ku yaala magaalada Xadka ku taala ee Lowyacado.

Taageerayaasha Xisbiga Rejada Shacabka ee Waddani,oo ku labisnaa Calanka iyo Astaamaha Xisbiga ayaa ku dhawaaqayay ereyo ay ku cabirayaan taageerada ay la barbar taagan yihiin Xisbiga Rejada Shacabka ee Waddani.

Masuuliyiin Sare oo ka tirsan Xisbiga Waddani oo uu ka mid yahay, Cabdi Siciid Faahiye ayaa Taageerayaasha kula hadlay goobta ay ku muujinaayeen Cududa iyo baaxada ay taageerayaasha Xisbiga Rejada Shacabka ee Waddani uu ku leeyahay Magaalada Lawyocado.

Taageerayaasha Xisbiga Rejada Shacabka ee Waddani ee Magaaladda Lawyocado, ayaa balan qaaday in ay codkooda siin doonaan Xisbiga Waddani iyo Musharaxiinta Madaxweynaha iyo Madaxweyne ku xigeenka.

Intaasi ka dib waxay taageerayaasha Xisbiga Waddani ee magaalada Lawyocado, socod ku soo mareen wadooyinka magaaladda Lawyocado.