Hargeysa (Xisbiga Waddani) Jamaahiirta Isbedel Doonka ee Xisbiga Rejada Shacabka ee Waddani , ayaa maanta wacdaro la yaab leh ka sameeyay Fagaaraha Beerta Xorriyada ee Magaalada Hargeysa, halkaas oo ay ku soo bandhigeen Cududooda Taageero ee Xisbiga Waddani.
Musharaxa Madaxweynaha ee Xisbiga Rejada Shacabka ee Waddani, Dr, Cabdiraxmaan Maxamed Cabdilaahi (Cirro) oo ay weheliyaan Masuuliyiinta sare ee Xisbiga Waddani ayaa ka soo qayb galay Mucjisadii ay maanta ku soo bandhigeen Xisbiga Waddani Fagaaraha Beerta Xorriyada ee Hargeysa.
Taageerayaasha Isbedel doonka ee Xisbiga Rejada Shacabke ee Waddani oo sitay Calanka iyo Astaamaha Xisbiga Waddani ayaa si wayn usoo buux dhaafiyay Fagaaraha Beerta Xorriyada ee Magaalada Harggeysa, waxanay ku dhawaaqaayeen hal ku dhegyo ay ku bar bar taagan yihiin xisbiga Waddani sido kalena ay codkooda ku siinayaan Xisbiga Waddani iyo Musharaxiinta Madaxweynaha iyo Madaxweyne ku xigeenka xisbiga.
Musharaxa Madaxweynaha ee Xisbiga Rejada Shacabka ee Waddani ayaa taageerayaasha xisbiga wadddani uga mahad naqay sida fiican ee ay uga soo qayb galeen Ololaha Doorashada ee xisbiga waddani oo ay maanta ahayd maalintoodii, sido kale Musharax Cirro waxa uu ku booriyay in ay codkooda siiyaan maalinta doorashada oo ay ka hadhay dhowr cisho.
