Burco (Xisbiga Waddani) Gudoomiyaha Xisbiga Rejada Shacabka ee Waddani, Xirsi Cali Xaaji Xasan,
ayaa maanta soo dhaweeyay Dallada Dhalinyarada ee Bulsho Kaab oo isugu jirta laba qaybood oo kala ah Wiilal iyo Hablo iyo qaybta Kooxaha Ciyaaraha, waxanay maanta si rasmi ah ugu soo biireen Xisbiga rejada Shacabka ee Waddani.
xaflad balaadhan oo maanta lagu qabtay Magaalada Burco, ayay ku shaaciyeen in ay Dallada Dhaliinyarada ee Bulsho Kaab si rasmi ah ugu soo biireen Xisbiga Waddani.
Gudoomiyaha Xisbiga Waddani, Xirsi Cali Xaaji Xasan oo ka qayb galay xafladii lagu soo dhawaynaayay Dallada Bulsho Kaab ayaa sheegay in uu si weyn usoo dhawaynaayo Dallada Dhalinyarada ee Bulsho Kaab in ay si rasmi ah ugu soo biireen Xisbiga Waddani.
Gudoomiye Xirsi waxa uu ku booriyay Dhalinyarada ee Bulsho Kaab in ay ka qayb qaataan Ololaha Doorashada iyo sidii ay labada cod ba u siin lahaayeen Xisbiga Waddani.
Masuuliyiinta Dallada Dhalinyarada ee Bulsho kaab ayaa iyaguna dhinacooda ka balan qaaday in ay la shaqaynayaan Xisbiga Waddani sido kalena ay codka siinayaan Xisbiga Waddani iyo Musharaxiintooda.
