Xisbiga WADDANI - xisbigawaddani.com

Wararka

W/Q Musharraxa Madaxweyne ee Xisbiga WADDANI Mudane Cabdiraxmaan Maxamed Cabdillaahi (Cirro,)

Munaasibadda 63 guurada, 26ka-June 1960-kii oo ahayd maalintii aynu xornimada ka qaadannay Maxmiyaddii Boqortooyada Ingiriiska, waxa aan salaan, bogaadin iyo hambalyo kal iyo laab ah hawada u marinayaa dhammaan Shacabka Jamhuuriyadda Somaliland meel kasta oo ay ku nool yihiin.

"Goormaan himiladaydiyo Gaadhayaa hankaygoo Dalkaygow ku helayaa Adigoo hore u maray."

Munaasibadda 26June awgeed waxaan ugu hambalyaynayaa dhammaan shacbiga Jamhuuriyadda Somaliland sannad guurada 63aad ee ka soo wareegtay markii ay xorriyadoodii ka qaateen gumaystihi reer Yurub.

Gudoomiyaha dalka Belgium ee xisbiga WADDANI mudane Axmed Qaasim Siciid ayaa kulan soo dhawayn ah loogu qabtay magaalada Boorama

Kulanka oo ay soo abaabuleen hogaanka xisbiga ee gobolka Awdal ayaa waxa ka soo qayb galay Gudoomiyaha Garabka dhalinyarada heer Qaran ee xisbiga Mudane Cabdirashiid Cabdi Jaamac.

Guddoomiyaha Xisbiga WADDANI ee dalka UK Cabdirashiid Maxamed Magaalo ayaa magacaabay masuuliyiin ka mid ah Gudidda Fulinta Xisbiga WADDANI ee dalka UK

.

TACSI GUDDOOMIYE Guddoomiye Xirsi Cali X Xasan ayaa tacsi tiiraanyo leh u diray qoyska, ehelada iyo guud ahaan bulshada uu ka baxay Alle ha u naxariistee Marxuum Usaama Yaxye Maxamed oo gacan ka xaqdaran ku dishay dalka Canada.

.

Xoghayaha Xisbiga WADDANI mudane Khadar Xuseen Cabdi iyo masuuliyiin kale ayaa saaka dalladaha Horseed iyo Han iyo Hiigsi kala qayb galay wacyigelinta kaadh qaybinta iyo abaabulka bulshada la doonayo in ay maalmaha kooban ku qaataan kaadhadhkooda

.

Wefti balaadhan oo uu hoggaaminayo xoghayaha Xisbiga WADDANI ayaa shalay safar dheer ku maray deegaanno badan oo ka tirsan degmada Sallaxley.

Weftiga ayaa bulshada ku baraarujinayay ahmiyadda ay leedahay qaadashada kaadhka codbixinta oo maalmo kooban ka hadhsan yihiin wakhtiga uu xidhmayo.

Guddoomiyaha Xisbiga WADDANI Mudane Xirsi Cali X Xasan ayaa ka qayb galay munaasabadda bandhigga buugga laga qoray sooyaalkii iyo halgankii Mujaahid Faarax Siciid Sugulle (Faarax-ifiso).

.

Musharraxa Madaxweyne ee Xisbiga WADDANI Cabdiraxmaan Maxamed Cabdilaahi Cirro,Musharraxa Madaxweyne Ku Xigeen Maxamed Cali Aw Cabdi,Guddoomiyaha Xisbiga WADDANI Xirsi Cali Xaaji Xasan iyo Qaar kamid ah hogaanka Xisbiga ayaa kormeeray goobaha ay ka socoto kaadh Bixintu ee Gobolka Maroodi jeex gaara ahaana Degmooyinka 31 May,Axmed Dhagax,Maxamuud Haybe,Maxamed Mooge, Macalin Haaruun,iyo Gacan Libaax.

.

Musharraxa Madaxweyne ee Xisbiga WADDANI Cabdiraxmaan Maxamed Cabdillaahi Cirro, Musharraxa Madaxweyne Ku xigeen Maxamed Cali Aw Cabdi, Guddoomiyaha Xisbiga Xirsi Cali Xaaji Xasan, Masuuliyiin ka tirsan hoggaanka Xisbiga iyo masuuliyiinta gobolka Maroodi jeex ayaa kormeer ku maray goobaha ay ka socoto Kaadh qaybintu ee magaalada Hargeysa gaara ahaana degmooyinka Ibraahin koodbuur, 26 June iyo 31 May.

Hoggaanka Xisbiga WADDANI oo la hadlay dadweynaha ayaa ugu baaqay inay qaataan kaadhka codbixinta oo ah xaq ay muwaadiniintu leeyihiin.

Guddoomiyaha gobolka Maroodijeex ee Xisbiga WADDANI Mawliid Kayse Muxumed Qaro ayaa magacaabay maamulka degmooyinka Maxamed Mooge, Macallin Haaruun iyo Gacan Libaax

.

Murrashaxa Madaxweynaha Xisbiga WADDANI mudane Cabdiraxmaan Maxamed Cabdillaahi (Cirro) ayaa ka qaybgalay bandhigga Buugga Weerane oo xalay lagu qabtay Hargeysa.

Buugga waxa qoray Aqoonyahan Maxamed Baaruud oo ka mid ahaa dhalinyaradii UFO ee Dawladdii Siyaad Barre Xidhay. Musharrax Cabdiraxmaan Cirro ayaa buuggan ku tilmaamay mid xambaarsan taariikh mug weyn oo dhallinyarada Somaliland aqoon muhiim ah ka faa'iidayaan, waxaanu qoraagga ku ammaanay in aanu…

Musharraxa madaxweyne kuxigeen ee xisbiga WADDANI Md Maxamed Cali Cabdi iyo wafti uu hogaaminayo oo kala ah Xildhibaan Cabdikariim Aadan Cumar (Canbe) gudoomiyaha garabka dhalinyarada heer qaran xisbiga Md Cabdirashiid Cabdi Jaamac (Maxbuub) iyo Xubin gole deegaan Maxamuud Sheekh Ibraahim oo ka tirsan golaha deegaanka degmada Boorama ayaa kormeer ku soo maray goobaha Goroyacowl, Baaldheere, Magaalo Cad iyo Garbahaadlay oo ay ka socoto kaadh qaybintu.

.

Guddoomiyaha gobolka Awdal ee Xisbiga WADDANI Mudane Rooble Muuse Xoosh oo ay weheliyaan masuuliyiin Iyo aqoonyahanno ayaa kormeer wacyigelinta qaadashada kaadhka codbixinta ah ku maray deegaanno ka tirsan gobolka Awdal oo ay ka mid yihiin Ceel-baxay Iyo Xariirad.

waxa ay qaybaha bulshada ku boorriyeen in ay ka faa'iidaystaan maalmaha kooban ee ka hadhsan qaadashada kaadhka.

TACSI Musharraxa madaxweyne Cabdiraxmaan Maxamed Cabdillaahi (Cirro) ayaa tacsi tiiraanyo leh u diray qoyska, ehelada, asxaabta iyo guud ahaan bulshada uu ka baxay Alle ha u naxariistee Marxuum Cali Ducaale Faarax.

.

Wafti Balaadhan Oo Uu Hogaaminayo Murashaxa Madaxwayne Kuxigeen ee Xisbiga WADDANI Amb.Maxamed Cali Aw-Cabdi ayna ku weheliyaan Gudoomiyaha Garabka Dhalinyarada Heer Qaran ee Xisbiga WADDANI Cabdirashiid Cabdi Jaamac, Siyaasi Axmed Muumin Seed iyo masuuliyiin kale ayaa soo Kormeeray Goobaha Kaadh Qaadashadu Ka Socoto ee Deegaanada Ruqi,Baki Iyo Xeego oo ka tirsan Gobolka Awdal.

.

Hogaanka Garabka Dhalinyarada Heer Qaran iyo Heer Gobol ayaa galabta kulan la yeeshay dhalinyarada aqoonyahanka Gobolka Awdal Magaalada Boorama. Kulanka waxa lagaga wada hadlay dardar gelinta abaabulka Kaadh-Qaybinta oo ka socota Gobolka Awdal

Kulanka waxa ku wehelinayay Xoghayeha Gobolka Awdal Xisbiga WADDANI Mudane Maxamuud Muumin Xasan.

Wafti uu Hogaaminayo Musharaxa Madaxweyne Kuxigeenka Xisbiga WADDANI Amb.Maxamed Cali Aw-Cabdi iyo Siyaasi Axmed Muumin Seed ayaa saaka kormeer ku tagay Xarunta Khaad Qaadashada ee degmada Dila.

Masuuliyiintan ayaa bulshada ku Dhiirigeliyey inay qaataan kaadhka isla markaana ay qayb ka noqdaan isbedelka uu WADDANI wado.

Masuuliyiinta iyo taageerayaasha Xisbiga WADDANI ee dalka Ingiriiska ayaa munaasibad soo dhawayn ah u qabtay Xildhibaan Jamaal Aadan Diiriye oo ka tirsan Golaha Wakiillada Somaliland

.

Guddoomiyaha gobolka Sanaag ee xisbiga WADDANI Mudane Maxamed Cabdi Qoorsheel iyo masuuliyiin uu hoggaaminayo ayaa hawlgal wacyigelin qaadashada kaadhka codbixinta ah ka sameeyay magaalada Ceerigaabo.

Masuuliyiinta ayaa shacabka guryahooda ku booqday kuna baraarujiyey in ay kaadhadhka qaataan.

Xubinnimada Xisbiga WADDANI

Sida uu dhigayo Qoddobka 5.aad ee Xeerka Xisbiga WADDANI

Waxa Xisbiga xubin ka noqon kara muwaadin kasta oo u dhashay Somaliland oo qaangaadh ah, xiskiisuna u dhan yahay.
Xubinnimada Xisbigu waa shakhsi umana gudbi karto cid kale lamana kala dhaxli karo.
Waxa xubin noqon kara xubnaha Hoggaanka xisbigu u arkaan I nay Xisbiga u leeyihiin waxtar wax ku ool ah kuwaas oo la siinayo kaadhka xubin sharafeedka.

Qoddobka 6.aad ee Shuruudaha xubinnimada:

Waxaa ka mid noqon kara Xisbiga WADDANI qof kasta oo Somalilander ah oo aaminsan mabaadii'ida Xisbiga kuna dhaqma xeerkiisa, buuxiyeyna shuruudaha hoos ku qoran:

In uu yahay muwaadin u dhashay Somaliland.
In aanay da'diisu ka yaraan 15 sano.
In uu caqli ahaan fayow yahay.
In uu codsi qoraal ah oo xubin-ka-noqosho ah soo gaadhsiiyo xafiiska Xisbiga WADDANI degmada, gobalka uu degen yahay ama laanta ugu dhow ee dibedda.
In uu yahay qof ku sifoobay akhlaaq iyo dhaqan wanaag.
Inaanu xubin ama taageere u ahayn Xisbi kale
In uu bil kasta bixiyo lacagta xubinimada Xisbiga.