Hargeysa (Xisbiga Waddani) Xubnaha Guddida Doorashooyinka Qaranka oo uu hogaaminaayo Gudoomiyaha Guddida Doorashooyinka, Muuse Xasan Yuusuf, ayaa maanta booqasho iyo salaan ugu yimi Madaxweynaha la doortey ee Somaliland Cabdiraxmaan Maxamed Cabdilaahi (Cirro).
Komishanka iyo Madaxweynaha cusub ayaa iska xaal waraystay shaqadii cuslayd ee doorashooyinkii ay dhawaan dalka ka qabteen Komishanka Doorashooyinka Qaranka Somaliland.
kulankaasi waxa Madaxweynaha kala qayb galay Xoghayaha Guud ee Xisbiga Waddani, Khadar Xussen Cabdi, Siyaasi Ismaaciil Aadan Cismaan (Ismaaciil Yare) oo ah Wakiilkii u qaabilsanaa Xisbiga Waddani, Xarunta Doorashooyinka Qaranka iyo Xoghayaha Gaarka ah ee Madaxweynaha la doortay, Cabdiqaadir Saalax Iidle
