Xoghayaha dhalinyarada iyo ciyaaraha Xisbiga WADDANI Yuusuf Nuux Yuusuf (Tadhase) oo ay weheliyaan xoghayaha Macdanta iyo tamarta Deeq Axmed Yuusuf (Deeqsamadoon), Guddoomiyaha Xisbiga ee dalka Uganda Jaamac Muxumed Ducaale (jaamac Qadari), Guddoomiye ku xigeenka garabka dhalinyarada heer qaran Buuni Cabdi, iyo Xoghaye ku xigeenka garabka dhalinyarada heer qaran Yaasiin Xiis ayaa shalay galinkii dambe magaalada Burco kaga qayb galay munaasibad lagu shaacinayay dalladda dhallinyarada ee Midnimo.

Dalladda dhallinyarada ee Midnimo ayaa ballan qaaday in ay si weyn uga qayb qaadan doonaan hawlaha xisbiga ee magaalada Burco iyo gobolka Togdheer waxaanay masuuliyiinta xisbigu u jeediyeen hadallo dhiiri gelin ah oo ku aaddan dardar gelinta hawl qabadka xisbiga.