TACSI GUDDOOMIYE

Guddoomiyaha xisbiga WADDANI Mudane Cabdiraxmaan Maxamed Cabdillaahi Cirro isaga oo ku hadlaya magaciisa, ka hoggaanka, fulinta, garabbada dhallinyarada iyo haweenka ee Xisbiga WADDANI waxa uu tacsi tiiraanyo leh u dirayaa qoyska, ehelada, asxaabta iyo Qaranka Somaliland ee ay ka baxday Alle ha u naxariistee Marxuumad Maryam Muuse Xaaji Adam oo Magaalada Burco ku geeriyootay.

Guddoomiyuhu wuxuu ku sifeeyay Marxuumadda addoon wanaagsan oo u gargaari jirtay dadka jilicsan.

Guddoomiyuhu wuxuu si gaar ah tacsi ugu dirayaa Cabdiraxmaan Muuse Xaaji Adam ( oo ku magac dheer Cabdiraxmaan Cirro) kana mid ah taageerayaasha xisbiga WADDANI ee dalka UK ahaana marxuumadda walaalkeed.

Guddoomiyuhu wuxuu Illaahay uga baryayaa Marxuumadda in uu su'aasha u fududeeyo, una dambi dhaafo, Jannatul Firdowsana ka waraabiyo, qoyska, ehelka, qaraabada iyo asxaabta ay ka baxdayna samir iyo iimaan saadiq ah ka siiyo.

إنَّا لِلّهِ وَإِنَّا إِلَيْهِ رَاجِعون

Af-hayeenka Xisbiga WADDANI

   Barkhad Jaamac Batuun