Hargeysa (Xisbiga Waddani) Madaxweynaha la doortay ee Somaliland Dr. Cabdiraxman Maxamed Cabdilaahi (Cirro) ayaa waxaa uu galabta kulan Mahadnaq Iyo bogaadin ah la qaatay Haldoorka, siyaasiyiinta Iyo Haweenka Beesha Habar Awal Ee doorka weyn ka soo qaatey guushii uu xisbiga WADDANI ka soo hoyey doorashadii dalka ka dhacday .
Kulankan oo ka qabsoomay hoyga Gudoomiyaha xisbiga waxaa sidoo kale qayb ka ahaa Gudoomiyaha xisbiga Waddani Md. Xirsi Cali X Xasan , Gudoomiye ku xigeenada xisbiga iyo Xoghayaha Guud ee xisbiga waddani.
Madaxweynaha la doortay ee Somaliland, Dr. Cabdiraxmaan Maxamed Cabdilaahi (Cirro) ayaa uga mahadnaqay sida fiican ee masuuliyiinta sare ee xisbiga waddani ee Beesha Suber Awal ay uga qayb qaateen guushii balaadhnayd ee xisbigu ka keenay guud ahaan gobolada dalka.
sido kale Gudoomiyaha Xisbiga Waddani, Xirsi Cali Xaaji Xasan, ayaa bogaadiyay masuuliyiinta kala duwan ee xisbiga waddani ee beesha Suber Awal, sida qiimaha lahayd ee ay ugu shaqeeyeen guushii xisbigu ka keenay gobolada iyo degmooyinka somaliland.
kulankaasi wuxu kudhamaaday jawi fiican oo ay ku dheehnayd farxad.
