Munaasibad kooban oo lagu qabtay xarunta dhexe ee xisbiga WADDANI ayna ka qaybgaleen Xoghayaha dhallinyarada iyo ciyaaraha Mudane Yuusuf Tadhase, Xoghayaha waxbarashada Mudane Muuse Askar, Agaasime kuxigeenka xarunta Dhexe mudane Khadar Xasan Axmed, hogaanka abaabulka iyo wacyigalinta garabka haweenka heer qaran Marwo Aamina Furre, Guddoomiyaha Gobolka Saaxil ee Xisbiga WADDANI iyo masuuliyiin kale, waxaana agabkan lagu wareejiyey masuuliyiin ka socday gobolladaas.
Masuuliyiinta ka socday gobolladan oo hadallo kooban ka jeediyey madasha ayaa dhammaantood u mahadnaqay Murashaxa Madaxwayne Md Cabdiraxmaan Maxamed Cabdillaahi (Cirro) oo koobkan maalgaliyey, waxaana ay ballanqaadeen inay si hufan u gaadhsiin doonaan deegaannada loogu talo galay.
Waxa sidoo kale goobta lagu soo bandhigay agabka loogu talo galay Gobolka Awdal oo isna dhawaan la gaadhsiin doono. 
