Munaasibaddan oo isugu jirtay Afur iyo Casho waxay kulmisay 13-ka Musharrax ee xisbiga uga tartamaya Golaha Deegaanka Degmada Gabiley iyo Saddexda Musharrax ee Xisbiga uga tartamaya Gobolka Maroodijeex kana soo jeeda deegaannada Gabiley. Waxa kale oo kulanka qayb ka ahaa madaxda heer gobo lee xisbiga iyo madax dhaqameed miisaan ku leh gobolka Gabiley.
Kulankan ayaa ujeedadiisu ahayd isbarashada musharraxiinta, tabaabushaynta olole midaysan oo musharraxiintu ku wajahayaan doorashada wakhtiga yar ka hadhsan yahay waxaanu kulankaasi ku dhammaaday is fahan iyo dardar gelinta sidii Xisbiga WADDANI guul uga gaadhi lahaa doorashada gaar ahaana gobolka Gabiley.
