Hargeysa (Xisbiga Waddani) Musharaxa Madaxweynaha Xisbiga Waddani. Dr. Cabdiraxmaan Maxamed Cabdilaahi (Cirro) oo uu weheliyo Gudoomiyaha Xisbiga Rejada Shacabka ee Waddani, Xirsi Cali Xaaji Xasan, ayaa maant ka qayb galay Aas Qaran oo loo sameeyay Madaxweyihii hore ee Somaliland, Axmed Maxamed Maxamud (Siilaanyo)
Musharaxa iyo Gudoomiyaah Xisbiga Waddani, ayaa ka qayb galay Aaska Qaran ee loo sameeyay, iyada oo salaada Jinaasada lagaga tukaday Barxada hore ee Xabaalaha Baqiic oo ku yaala magaalada Hargeysa,
Musharaxa Madaxweynaha Xisbiga Waddani, Cabdiraxmaan Cirro, ayaa Marxuumka Ilaahay uga baryay in uu geeyo janadii fardowsa, waxanu ka tacsiyadeeyay Ehelkiisii,qaraabadii iyo guud ahaan shacabka somaliland, waxanu ku sifeeyay Siyaasi weyn oo ruug cadaa ah oo laga tebi doono guud ahaan geeska Afrika.
Gudoomiyaha Xisbiga Rejada Shacabka ee Waddani, Xirsi Cali Xaaji Xasan, ayaa ka sheekeeyay aqoontii uu u lahaa Marxuumka, isaga oo Gudoomiye Xirsi sheegay in uu aqoon dheer u lahaa, mudo badana la soo shaqeeyay, waxa uu Marxuum Axmed Siilaanyo ku tilmaamay in uu ahaa shaqsi koobsaday sifooyinka wanaagsan ee ay adag tahay in laga helo dadka,
Gudoomiye xirsi waxa uu Ilaahay uga baryay Marxuumka in uu Janadii Fardawsa geeyo.
