Hargeysa (Xisbiga Waddani) Gudoomiyaha Xisbiga Waddani, Xirsi Cali Xaaji Xasan, ayaa galabta codkiisa ka dhiibtay goob ku taala Magaalada Hargeysa ka dib markii uu safar kaga soo baxay magaalada Burco ee xarunta gobolka Togdheer.
Gudoomiyaha Xisbiga Rejada Shacabka ee Waddani, Xirsi Cali Xaaji Xasan, oo gacanta ku sita kaadhkiisii codbixinta ayaa maray hab raaca loogu talo galay dadka muwaadiniinta ah ee codka bixinayaa in ay maraan, ka dibna waxa uu qaatay labada warqadood ee loogu talo galay in lagu codeeyo, Gudoomiye Xirsi ayaa markii uu calaamadiyay labada warqadood waxa uu ku riday labada sanduuq ee loogu talo galay warqada codbixinta doorashada.
