Hargeysa (Xisbiga Waddani) Musharaxa Madaxweynaha ee Xisbiga Rejada Shacabka ee Waddani, Dr. Cabdiraxmaan Maxamed Cabdilaahi (Cirro) ayaa Maanta codkiisa ka dhiibtay xarunta hay`ada Shaqaalaha Dawlada ee Magaalada Hargeysa.
Musharax Cabdiraxmaan Cirro oo ay la socdaan Xubno ka tirsan Xisbiga Waddani ayaa si habsi leh codkooda uga dhiibtay iyada oo hoolka hay`ada shaqaalaha dawlada ay ku soo dhaweeyeen Shaqaalaha iyo hawl wadeenada guddida doorashooyinka ee ka shaqaynaayay xaruntaasi, Musharax Cabdiraxmaan Cirro oo gacanta ku sitay kaadhkiisa Codbixinta, ayaa maray habraaca loogu talo galay in ay maraan dadka muwaadintiinta ah ee codka bixinaya. intaasi ka dib Musharaxu waxa uu qaatay warqada codbxinta ka dibna waxa uu ku riday sanduuqa loogu talo galay in lagu rido warqada Codbixinta doorashada.
