Berbera (Xisbiga Waddani) Gudoomiyaha Xisbiga Rejada Shacabka ee Waddani, Xirsi Cali Xaaji Xasan, ayaa ka qayb galay Dhoolatus balaadhan oo taageerayaasha Xisbiga Rejada Shacabka ee Waddani ay ku soo bandhigeen magaalada Berbera ee xarunta Gobolka Saaxil.
taageerayaal tiro badan oo ka tirsan jamaahiirta isbedel doonka ee xisbiga Waddani ee magaalada Berbera, ayaa maanta soo buux dhaafiyay Fagaaraha 26 June, taageerayaasha xisbiga Waddani ayaa ku labisnaa Calanka iyo Astaamaha Xisbiga Waddani, waxanay ku dhawaaqayeen, ereyo ayku ku cabirayaan taageerada balaadhan ee ay u hayaan xisbiga Waddani, iyo sida ay diyaarka ugu yihiin in codkooda siiyaan Xisbiga Waddani iyo Musharixiinta Madaxweynaha iyo Madaxaweyne ku xigeenka Xisbiga Rejada Shacabka ee Waddani.
Gudoomiyaha Xisbiga Rejada Shacabka ee Waddani, Xirsi Cali Xaaji Xasan, ayaa ku bogaadiyay taageerayaasha xisbiga Waddani sida fiican ee ay uga soo qayb galeen Maallinta Ololaha Doorashada Xisbiga Waddani, sido kalena waxa uu ku booriyay in ay codkooda siiyaan Xisbiga Waddani iyo Musharaxiinta Madaxweynaha iyo Madaxweyne ku xigeenka.
sido kale waxa Fagaaraha 26 June ee Magaalada Berbera ka hadlay masuuliyiin sare oo ka tirsan Xisbiga Rejada Shacabka ee Waddani
