TACSI

Guddoomiyaha Xisbiga WADDANI Md Cabdiraxmaan Maxamed Cabdillaahi (Cirro) isaga oo ku hadlaya magaciisa, ka hoggaanka, fulinta, garabbada dhallinyarada iyo haweenka ee Xisbiga WADDANI waxa uu tacsi tiiraanyo leh u dirayaa

Guddoomiyaha Xisbiga WADDANI ee gobolka Awdal Maxamed Aadan Suldaan oo walaashii Marxuumad Cawo Cilmi Qaalib ku geeriyootay Magaaladda Borama, Waxa kale oo Guddoomiyaha Xisbigu Tacsi u diraya Xog-hayaha Arrimaha bulshada Xisbiga WADDANI Maxamed Sidiiq Dhamme oo Awoowgii Marxuum Maxamed Axmed Xaaji Sugule isna xalay ku geeriyooday magaaladda Hargeysa, sida oo kale wuxuu guddoomiyuhu tacsi u diraya Xog-hayaha Arrimaha gudaha ee Xisbiga WADDANI Maxamed Faarax Cabdi oo adeerki Marxuum Axmed Sh Cabdullaahi Wacays isna ku geeriyooday Degmada Dila.

Guddoomiyuhu wuxuu Illaahay uga baryaya Marxuumiinta in uu su'aasha u fududeeyo, una dambi dhaafo, Jannatul Firdowsana ka waraabiyo, ehelka, qaraabada, , asxaabta iyo masuuliyiinta xisbiga ee ay ka baxeena samir iyo iimaan saadiq ah ka siiyo.

إنَّا لِلّهِ وَإِنَّا إِلَيْهِ رَاجِعون

Af-hayeenka Xisbiga WADDANI

Barkhad Jaamac Batuun